Vieiros

Vieiros de meu Perfil


Edición xeral

RSS de Edición xeral
Sociopedagoxía

A importancia da mediación na construción dunha sociedade máis xusta

A pasada fin de semana desenvolveuse en Leiria (Portugal) o XXIV Encontro Galego-Portugués de Educadoras e Educadores pola Paz.

Redacción - 12:05 28/04/2010

A mediación sociopedagóxica foi o tema central do XXIV Encontro Galego-Portugués de Educadoras e Educadores pola Paz, organizado pola Asociación Galego-Portuguesa de Educación para a Paz (AGAPPAZ) e o grupo de Educadoras/es pola paz de Nova Escola Galega, entre outros, esta fin de semana en Leiria (Portugal).

Un nutrido grupo de profesoras e profesores, nais e pais e estudantes de Portugal e de Galiza participou na xuntanza, "un importante punto de encontro para o intercambio de experiencias educativas", co fin de "conseguir unha escola que forme para o exercicio dunha cidadanía solidaria e responsábel", segundo os organizadores.

Os presentes analizaron o papel dos axentes e das institucións sociocomunitarias na educación e as posíbeis relacións coa escola, así como formas concretas da intervención en diferentes situacións como os ambientes socialmente desfavorecidos, a relación social interxeracional, a educación multicultural ou a igualdade de xénero.

Entre as conclusións, constatouse que "só a intervención educativa -sobre todo cando os condicionantes sociais e económicos actúan en contra- pode lograr que o camiño cara a un mundo máis xusto deixe de ser unha quimera".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: