Vieiros

Vieiros de meu Perfil


Edición xeral

RSS de Edición xeral
Abren negociacións cos liberal demócratas

Gordon Brown anuncia a súa retirada da primeira liña política para o outono

O primeiro ministro británico renuncia a continuar á fronte do Partido Laborista e dun hipotético goberno de coalición con Nick Clegg.

Redacción - 18:55 10/05/2010
Gordon Brown, este luns

Gordon Brown, este luns

O primeiro ministro británico, Gordon Brown, anunciou este luns pola tarde a súa intención de abandonar a primeira liña política, tanto no ámbito institucional como á fronte do Partido Laborista. Porén, ofrécese a continuar temporalmente nunha virtual coalición cos liberal demócratas.

Nunha declaración sen preguntas fronte ao 10 de Downing Street, Brown avanzou que o líder da terceira forza, Nick Clegg, lle trasladou a súa intención de aceptar formalmente a oferta de diálogo que exposta polo aínda líder dos laboristas o pasado venres

Con todo, os liberal demócratas continúan a negociar cos conservadores. Brown confirmou que os altos funcionarios do Estado xa puxeron en marcha os mecanismos oficiais para facilitar os contactos.

De igual modo, confirmou que renuncia a continuar á fronte do Partido Laborista e confiou en que cando este organice o seu congreso anual, o próximo outono, xa non estea á fronte, xa que nin se presentará á reelección, nin apoiará ningún dos candidatos que aspiren a dirixir esta nova fase.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: