Vieiros

Vieiros de meu Perfil


Edición xeral

RSS de Edición xeral
Reaccións ás medidas anunciadas polo goberno español

"Galiza non pode pagar o déficit alarmante do goberno socialista", valora Feijoo

O presidente da Xunta reclama do goberno español que os recortes non lle afecten ás infraestruturas comprometidas no chamado Pacto do Obradoiro.

Redacción - 19:05 12/05/2010

A tres recortes aludiu este mércores o presidente da Xunta, Alberto Núñez Feijoo. O primeiro, "ter que pagar 2 mil millóns de euros que o bipartito gastou e non pagou". O segundo, "ter que pagar 218 millóns de euros que o goberno central acaba unilateralmente de recortar" do sistema de financiamento pactado. O terceiro, e en referencia á comparecencia esta cuarta feira do presidente do goberno español no Congreso: "O que o goberno socialista vai facer nas políticas sociais para todos os galegos e para todos os españois".

"Galiza non pode pagar o déficit público alarmante do goberno socialista", teimou Núñez Feijoo. "Vostedes están no 11 por cento de déficit público no ano 2009; nós, no 1 por cento; vostedes levan o primeiro trimestre do ano 2010 con máis de 15 puntos de déficit público; nós seguimos no 1 por cento", retrucou en resposta ás interpelacións do voceiro do grupo socialista, Pachi Vázquez.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: