Vieiros

Vieiros de meu Perfil


Edición xeral

RSS de Edición xeral
Asalto á Frota da Liberdade

O 'Rachel Corrie' ignora as advertencias de Israel e continúa a navegar cara á Gaza

As autopsias confirman que Israel disparou a queimarroupa contra os activistas.

Redacción - 11:00 05/06/2010

O buque humanitario Rachel Corrie está a ignorar as advertencias emitidas polo Exército israelí para que desembarque a súa carga, con destino a Gaza, no porto de Ashdod baixo a supervisión dos militares, segundo informaron as Forzas de Defensa de Israel nun comunicado que recollen as axencias internacionais.

"Os organizadores do barco elixiron ignorar o convite para descargar no porto de Ashdod, desde onde sería transferido o material á Faixa de Gaza após a inspección pertinente", de acordo coa nota, que se pode consultar no blog da Oficina do Portavoz do Exército.

Con todo, Jenny Graham, unha dos 15 activistas irlandeses que viaxan a bordo do navío, confirmou á ONG Campaña de Solidariedade con Palestina en Irlanda (IPSC), que os equipos de comunicacións foran inhibidos pola Armada israelí e que esperaban que o seu teléfono satélite tamén fose bloqueado de xeito inminente, segundo informou Free Gaza a través dun comunicado.

Disparos a queimarroupa
Os nove cidadáns turcos que morreron esta semana no asalto israelí á flotilla humanitaria con destino a Gaza recibiron un total de 30 disparos e cinco destes morreron por tiros na testa, informa o diario The Guardian, que tivo acceso aos informes das autopsias realizadas este venres por orde do Ministerio de Xustiza turco.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: