Vieiros

Vieiros de meu Perfil


Edición xeral

RSS de Edición xeral
CONFLITO

PSdeG: Búscase extintor para apagar incendio na Coruña

Os partidarios de Fernández Moreda presionan a 'Pachi' Vázquez para que rebaixe a Lage Tuñas. As cambadelas logo da batalla polo control provincial continúan.

R.V. - 13:45 15/06/2010

As feridas do enfrontamento pola dirección provincial do PSdeG da Coruña non cicatrizaron. En outubro do ano pasado, o presidente da Deputación, Salvador Fernández Moreda, e o deputado Xosé Manuel Lage desputaron unha secretaría provincial que finalmente foi parar ao primeiro (68% dos votos). Porén, a felicidade da “vella garda” coruñesa non era plena. Lage (31% de apoios) percorrera todas as agrupacións locais e contaba co apadriñamento de Xoaquín Fernández Leiceaga e da propia Mar Barcón.

Os partidarios de Moreda non tardaron en comprender que a candidatura de Lage podía supoñer, a longo prazo, máis problemas dos que xa existentes. O principal é que na propia agrupación local coruñesa, á que pertencen Fernández Moreda ou Méndez Romeu, Lage conseguiu votos dunha parte dos delegados grazas ao apoio de Barcón.

Oito meses despois daquel congreso provincial, as augas baixan outra vez avoltas. Os partidario de Fernández Moreda queren que 'Pachi' Vázquez lle poña a solta a Lage. A edición galega de El País salienta este martes que este sector pide que se lle retiren competencias parlamentarias a Lage polo "protagonismo desmedido" e o seu "comportamento desleal".

Os de Moreda aproveitan un incidente verbal que tivo lugar a semana pasada entre Lage e Méndez Romeu. Mentres un sinalan que Lage acapara "mediaticamente" a atención das tarefas parlamentarias, os partidarios deste último consideran que o problema é que algúns dos que protestan “non son moi activos á hora de traballar no Parlamento".

As listas municipais avivan o lume


Pero a guerra na Coruña vai máis aló das rivalidades Moreda-Lage. O presidente da Deputación contou basicamente co apoio dos alcaldes, mentres que Lage tivo a axuda de cadros que tampouco sintonizan (ou mesmo rivalizan) con eses rexedores nos seus concellos de orixe. Eis unha explicación máis de fondo que terá un segundo capítulo na confección das listas municipais.

A pataca quente cae na man agora de 'Pachi' Vázquez. O secretario xeral dos socialistas intenta que o incendio non vaia a máis e que, tal e como queren os de Moreda, ter que optar por un bando ou por outro. Cun Partido Socialista tocado pola gravísima crise económica e pola posta en marcha de grandes recortes sociais, os socialistas coruñeses ven moi complicado manter o goberno da Deputación. As tensións internas aínda aumentan ese escepticismo.


4/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: