Vieiros

Vieiros de meu Perfil


Edición xeral

RSS de Edición xeral
Esta terza feira en Mañufe

Move as canelas canda a Xil Ríos

Remexe no faiado, vístete ao xeito dos anos 30 e participa no videoclip da peza 'Maruxa baila comigo'.

Redacción - 18:30 21/06/2010

Vai para un par de meses que lles contamos da chegada ás tendas do Son da alma, novo traballo discográfico de Xil Ríos. Logo de botar á luz daquela a peza 'Xa caerá', o cantor moañés prepara novo agasallo para os seareiros musicais. Será en forma de videoclip e coa banda sonora do tema 'Maruxa baila comigo'.

E para ese proxecto, Xil Ríos busca a participación da xente. Xa que logo, a gravación será este martes 22 de xuño a partir das 16horas, no lugar de Mañufe, en Gondomar. O único requirimento é vestir ao xeito dos anos 30, xa que o clip audiovisual recreará unha festa típica daqueles anos, inspirándose en "aquelas marabillosas orquestras e combos". "Haberá café de pote e pastas para todos os asistentes", prometen.


Ligazóns

5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: