Vieiros

Vieiros de meu Perfil


Edición xeral

RSS de Edición xeral
Superstición

Só un terzo dos europeos acreditan que os 'números máxicos' son andrómenas

Segundo unha enquisa da UE, millóns de cidadáns do continente cren que a sociedade "confía de máis na ciencia e non dabondo na fe".

Redacción - 13:45 27/06/2010
Triscaidecafobia, medo ao '13'

Triscaidecafobia, medo ao '13'

No continente da Ilustración, internándonos no século XXI, millóns de cidadáns europeos permanecen condicionados pola crenzas supersticiosas, tales como os 'números máxicos' e outras andrómenas sen base científica ningunha. Así se desprende do Eurobarómetro publicado esta semana (.pdf/inglés) e da que se fai eco EuObserver.

Segundo este estudo anual sobre as actitudes públicas cara a ciencia e a tecnoloxía, que tomou de referencia máis de 30 mil habitantes dos 27 estados membros e de Croacia, Islandia, Noruega, Turquía e Suíza, dous de cada cinco europeos son supersticiosos.

Ademais, do total dos consultados, o 40% afirma acreditar en 'números máxicos'. Tan só pouco máis do 35% di que non, mentres que o resto van desde os que se sitúan nunha zona intermedia e os que non saben se certas cifras teñen ou non un efecto sobrenatural.

Aínda que hai unha certa tendencia a atopar máis persoas supersticiosas nos estados máis pobres, o certo é que o 43% dos daneses cren no poder das cifras, mentres que a porcentaxe é do 39% entre os búlgaros.

Ciencia e "xuízo moral"

A sondaxe tamén mostra que un 38% dos consultados considera que a sociedade "confían de máis na ciencia e non dabondo na fe", máis que o 34% que aprecia o contrario.

Seis de cada 10 europeos senten que a ciencia e a tecnoloxía poden danar o seu "xuízo moral". Só un 15% non concorda con esta apreciación. Alén disto, a metade pensa que a aplicación da ciencia e da tecnoloxía pode ameazar os dereitos humanos.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: