Vieiros

O pasado día 8 o Parlamento de Cataluña adimitiu a trámite unha Iniciativa Popular para facer un referendo oficial sobre a independencia deste país. Dende aquel momento, os promotores da IP dispoñían de seis meses para conseguir as 220 mil sinaturas precisas para forzar un pleno onde se votaría a posibilidade convocar un referendo oficial sobre a independencia.

Mais os atrancos xa comezan ben antes. Segundo informa o xornal Vilaweb, o goberno español considera que a lei de consultas pola vía do referendo é inconstitucional e ameaza con recorrela diante do Tribunal Constitucional. De momento, haberá un período de negociación que en caso de non haber acordo levaría ao executivo estatal a presentar un recurso que, automaticamente, bloquearía o proceso da Iniciativa Popular.

O goberno que preside Rodríguez Zapatero reclama a competencia  exclusiva de convocar consultas, segundo o seu posicionamento só as consultas de ámbito municipal se axustan á Constitución.

Poden ampliar en Vilaweb