Vieiros

Vieiros de meu Perfil


Edición xeral

RSS de Edición xeral
Iniciativa catalá

"Moralmente excluídos" da Constitución española

Os concellos de Port de la Selva e Vilafranca del Penedès aproban mocións contra a sentenza do Tribunal Constitucional sobre o Estatut catalán.

Redacción - 10:30 06/07/2010

Son os primeiros pero previsibelmente non serán os últimos. Port de la Selva e Vilafranca del Penedès aprobaron unha moción contra a sentenza do Tribunal Constitucional na que cada un destes municipios se declara "moralmente excluído do ámbito da constitución española". No primeiro caso, a moción avalouna a formación que goberna o municipio, CiU, co apoio de ERC. No Penedès foi presentada pola CUP e saíu adiante cos votos de CiU, ERC e ICV.

De xeito específico, a declaración expón que "as aspiracións de autogoberno da nación catalá non teñen cabida no ordenamento xurídico español" e engade que "a reforma da constitución española co obxectivo de facer posíbel o encaixe das aspiracións de autogoberno catalás certifícase como unha quimera de todo punto imposíbel". Nese sentido, chaman a "cuestionar a soberanía española sobre Cataluña".

Recomendámoslles ampliar no diario Vilaweb.


5/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: