Vieiros

Vieiros de meu Perfil


Tag: encoro

27/Xuño/2010 /

Adega pecha o seu ciclo de roteiros cun percorrido reivindicativo no Xallas

O río está ameazado polas pretensións económicas de Ferroatlántica, que quere construír outras tres novas centrais hidroeléctricas.


26/Maio/2010 /

O Parlamento rexeita a construción do encoro do Navia

Insta á Xunta a informar negativamente sobre o Salto do Suarna e pide ao goberno español que declare o río libre de aproveitamentos eléctricos.


28/Abril/2010 /

O concello de Navia presenta alegacións contra o encoro

Cando queda unha semana para que expire o prazo, o municipio presentou a documentación en contra deste proxecto que conta cunha autorización de hai 58 anos.


22/Abril/2010 /

A Fiscalía denuncia a Endesa por secar o río Eume

É a primeira vez que se inicia un proceso penal no Estado Español pola captación abusiva de augas e o desecamento dun curso fluvial.


30/Marzo/2010 /

Ábrese o período de alegacións contra o encoro do Navia

Con municipios e ecoloxistas en contra, o proxecto de construción do embalse e o seu Estudo de Impacto Ambiental sae á luz no BOP de Lugo.


15/Marzo/2010 /

O encoro do Umia: o abastecemento de auga que nunca foi tal

O colectivo ecoloxista Adega reclama a demolición das minicentrais máis agresivas e exixe a xestión sustentábel dos ríos.


21/Decembro/2009 /

Feble estudo ambiental de Iberdrola e agoiros económicos na Ribeira Sacra

Os ecoloxistas ven pouco serio o informe, que non repara nas posíbeis afeccións ao microclima vitícola.


16/Novembro/2009 /

Iberdrola ampliará as súas centrais do Sil con financiamento europeo

O Banco Europeo de Inversións (BEI) concedeulle un préstamo de 300 millóns de euros que destinará a aumentar a súa cota de xeración de enerxía.


19/Outubro/2009 /

Permiso para furar os canóns do Sil en Santa Cristina? O Senado di que si

O Bloque acusa a senadores populares e socialistas de "cederen á presión das empresas eléctricas e darlle as costas á protección da Ribeira Sacra".


5/Marzo/2009 /

Europa pediralle contas ao Estado Español por deixar furar nas concas do Sil

Admitiu a trámite as denuncias presentadas pola Fundación Xermán Estévez contra autorización dunha presa no medio da Rede Natura 2000, nos canóns do Sil.


29/Outubro/2008 /

O ''encalado'' do Eume podería afectar o formigón do encoro da Capela

As toneladas de carbonato botadas para corrixir a acidez poden dar lugar á formación de xesos que reaccionan cos compoñentes do formigón causando fendas e aumento da porosidade.


31/Agosto/2008 /

Denuncian a construción dunha nova hidroeléctrica na Amazonia

"Loitaremos contra o estabelecemento dun modelo de desenvolvemento socialmente inxusto"


A Alberguería
14/Maio/2008 /

Medio século despois A Albergaría volve saír a flote

Os veciños dunha aldea do municipio da Veiga que desapareceu pola construción do encoro reviven a súa historia constituíndo unha asociación.


31/Marzo/2008 /

ADEGA mostra a súa satisfacción polo compromiso da Xunta de informar desfavorablemente ao encoro de Navia

Dende o compromiso dunha organización ecoloxista que levamos anos insistindo en que os nosos ríos e o conxunto de Galiza xa teñen pagado impactos dabondo pola xeneración de enerxía eléctrica; dende o compromiso dunha asociación ecoloxista que, xa dende a súa mesma fundación, non tén reparado en esforzos e recursos para impedir, en colaboración con todos os veciños da comarca e concello de Navia, a construcción do Gran Suarna primeiro e do Peñamil e o Suarna despois, temos que declararnos enormemente satisfeitos por esta declaración do Governo Galego: para nós trátase dun acto de xustiza, antes de nada, con todos os veciños e veciñas (moitos xa falecidos) que, xa dende o mesmo 22 de Xullo do 1.939, e sobre todo a partir do 1.963, en que se inician as obras e as expropiacións para o encoro do Gran Suarna, foron quen de manterense firmes na loita contra deste proxecto megalómano que no seu día mesmo pretendía asulagar a mesma vila da Póvoa de Navia coa súa ponte romana, o seu castelo medieval, e, con estes, toda a riqueza económica e os recursos naturais máis valiosos da comarca. Esta constancia na loita, esa decidida vontade de sobrevivir, capaz incluso de conquistar a vontade das institucións franquistas (como a Hermandad de Labradores e o concello de Navia que xa no seu día se manifestaron contra do proxecto do anos 63), ben merecía que o seu esforzo viñera a ser recoñecido. E dende ADEGA entendemos que esta declaración do governo galego en contra deste novo proxecto de Hidroeléctrica del Cantábrico e Electra del Viesgo, aínda que indirectamente, é un recoñecemento ao esforzo de todos e todas os que, dende o seu traballo ou dende as institucións, lograron paralizar (primeiro no 1.963 e logo, continuadamente, no 1967, no 1974-1975, no 1985 ou no 1.993) este proxecto de encoro.


7/Febreiro/2008 /

O xuíz imputa Ferroatlántica e Augas de Galicia no desastre ecolóxico do Xallas

Segundo a investigación encargada ao Seprona, tanto a empresa como o organismo público tiñan que vixiar o nivel da auga do encoro da Fervenza.


20/Xullo/2007 /

ADEGA esixe a demolición do encoro do Umia

ADEGA sempre expresou, dende que se coñececeu o proxecto desta infraestrutura, a súa postura radicalmente contraria a súa construcción por insustentábel e insolidaria. O proxecto naceu xa cun feixe de irregularidades e ilegalidades, agravadas pola actitude prepotente do daquela conselleiro, Sr. Cuíña. A realidade dos últimos anos veunos dar a razón: o encoro é unha fonte inesgotábel de problemas: Enchentas, algas tóxicas... DEMOLICIÓN XA!


12/Xullo/2007 /

Ampliación do Salto de Novo Castrelo: certificando o estrago dun río

Este verán escuro para o medioambiente galego, no que a "legalización" inxustificábel da canteira de A Campa no Courel , a aprobación no Consello de Goberno do Plano Acuícola e a autorización da masacre de pombiños na Illa da Toxa marcan unha nefasta deriva nas políticas ambientais do goberno bipartito ven de sumar unha nova desfeita ao ronsel: A Xunta autoriza a ampliación  do aproveitamento hidroeléctrico de Novo Castrelo desprezando as alegacións presentadas e certifica a agonía do río Xallas.


13/Abril/2007 /

Iberdrola quere furar o Canón do Sil para facer unha hidroeléctrica

A proposta de aproveitamento eléctrico proxecta bombear auga no embalse de Santo Estevo até un encoro artificial no cumio do canón.