Sivaritas é un grupo de garaxe-rock-psicodélico en galego creado na Coruña a mediados do ano 2007 por membros doutros grupos, Kike Asheton á guitarra, Cibrán na batería e Rai no baixo e a voz. Tras moitos ensaios e algúns concertos gravan unha demo de 4 temas nos Estudios Bonham na Coruña, preparándose para comezar a tocar sen parar no 2008. Despois dunha xira por terras do Barbanza hai un cambio na formación, entrando Pedro ao baixo e Meri como cantante, iniciando así unha nova etapa que dará o seu fruto en Maio deste ano, no que Sivaritas presenta unha nova maqueta de 7 temas (dispoñible no myspace), na que se inclúe a que cren que debe ser o ghit estival por excelencia.
Un ghit estival... Pode haber moitas temáticas, a praia, o licor café, as festas do pobo... Pero para os Sivaritas, o máis estival que existe é o sexo, non si? Fóra e dentro é un tema directo, garaxeiro e cachondo, coma eles.