En 2009 O Leo i Arremecághona! separouse. Isto era a primeira vez que lle pasaba a un cantautor, así que non se sabía como ía ser o choio. Agora xa o sabemos: separouse por esporas montando unha produtora (coma todos os músicos galegos cando fan os trinta), Arremecághona's Produçións. Coma todos os negocios en Galiza, este tamén é unha empresa familiar, para lle dar choio a seu pai, O Leo de Matamá (cantautor dos 70 nacional-popular), O Leo i Arremecághona! (anarcopunk), seu fillo O Leíño (rapeiro antiglobalización-botellón) e o En-Riquinho, seu irmán, (apolítico de esquerdas) que estivo zarrado no faiado da casa familiar até os 33 porque se avergoñaban del porque era pigho. Agora sácano á luz para ver se pega o pelotazo pop, comezando polo Apologhit 09, e os saca a todos de pobres.A banda son sampleos de percusión tradicional executada por Ghumersindo e Ghumersinda (Arremecághona!) e cortados e apegados, mesturados e producidos por Mou (Dios ke te Crew) nos estudios itinerantes Rapapoulo Producións de Ordes.