Vieiros

A tenista galega pasou onte directamente á seguinte fase dos Internacionais BNL de Tenis de Italia, ao se lesionar a súa rival, Marion Bartoli, que si tiña superado a fase previa eliminatoria.

A pesares de ter perdido fronte a Karolina Sprem, por 7-5 e 6-4, na última rolda da fase previa dos Internacionais BNL, cuxo torneo feminino comeza este martes, a galega pasou á seguinte fase e vai competir nos cadros principais do Aberto italiano.

Segundo informaron fontes do torneo italiano, a tenista lesionada, Marion Bartoli, sofre un problema na cadeira que lle impide participar na competición, polo que foi "repescada" Lourdes Domínguez Lino, quen obtivo o mellor resultado entre as tenistas eliminadas na última ronda da previa. A xogadora galega enfrontarase agora á estona Kaia Kanepi.