Vieiros

O Movemento pola Base (MpB) anunciou que se vai abster na votación dos catro cabezas de lista ás Eleccións Xerais. Segundo fontes citadas por Europa Press, dende esta corrente nacionalista consideran que os militantes “están forzados a decidir sobre un feito consumado”. Coidan que houbo unha manobra para “publicitar” os candidatos propostos pola Executiva Nacional antes de que se discutira o asunto no Consello Nacional.

Segundo as fontes que cita EP, o feito de dar a coñecer os candidatos deixa nunha posición “moi difícil” ao Consello Nacional xa que se non están conformes coa dirección “teñen que desautorizala e iso é moi duro”.

Mais dende o MpB recalcan que a Executiva Nacional escolleu os catro candidatos “dentro do 60%” que venceu na última Asemblea Nacional e deixa á marxe sensibilidades como as da Alternativa, Encontro Irmandiño ou o propio Movemento pola Base.