Vieiros

Vieiros de meu Perfil


Edición xeral

RSS de Edición xeral
Este domingo

A Plataforma pola Defensa da Ribeira Sacra pídelle á Xunta que deixe de pensar nos encoros

Os membros do colectivo reclaman máis investimentos para a súa zona, e nun acto reivindicativo, plantarán varias árbores ben perto do Sil.

Redacción - 10:00 15/03/2009
O Mosteiro de Santo Estevo, na imaxe / Flickr: FreeCat

O Mosteiro de Santo Estevo, na imaxe / Flickr: FreeCat

Os membros da Plataforma pola Defensa da Ribeira Sacra desenvolven, este domingo ao mediodía no Pombeiro, en Pantón (Terra de Lemos), a carón do Sil (ollen no mapa a carón desta información), un acto de plantación de árbores autóctonas. E ao tempo, coa outra man, han asinar un documento de compromiso, para que o Goberno invista cartos na zona fronteiriza entre Ourense e Lugo, que consideran está un bocado abandonada.

Un pobo que precisa servizos básicos e que coiden a súa contorna natural
Participarán membros desta Plataforma dos concellos de Chantada e Monforte, varios empresarios de turismo rural e grupos ecoloxistas, no que pretende ser un acto aberto e participativo para que os veciños das aldeas dos Peares, Nogueira, Cibrisqueiros, Pantón e Pombeiro poidan ter voz ante os seus representantes políticos no Goberno.

Contra as navalladas nos canóns do Sil
Ademais disto, a Plataforma xúntase para pedirlle ao Goberno entrante que paralice os proxectos de concesións hidroeléctricas en Peares II, Santa Cristina, Ponte Novo, Santo Estevo II e San Pedro, que, segundo salientan dende este colectivo, só están encamiñados a "destruír a fauna e a flora, sen esquecernos do dano ambiental que vai ser regresivo".


4.5/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: