Vieiros

Unha muller, que repartía lazos negros polas rúas da capital navarra, púxose a discutir co panadeiro Ángel Berroeta. Berroeta era membro do colectivo Etxerat, de parentes de presos de ETA. A liorta produciuse pola negativa do panadeiro de colocar un cartel de "non a ETA" no seu establecemento e polas discrepancias sobre a autoría dos atentados de Madrid.

A muller voltou para a súa casa e minutos despois regresou o seu home á panadería. O home, axente de policía nacional, disparoulle catro disparos ao panadeiro, que faleceu minutos despois de camiño ao hospital. O axente de policía entregouse posteriormente aos seus compañeiros. Tras o asasinato producíronse enfrontamentos nas rúas pamplonesas entre a policía e colectivos cidadáns.