Vieiros

O Goberno arxentino eleva a 100 mil os posíbeis afectados por gripe A

Os expertos estiman que o pico máis alto pode chegar a mediados de xullo e alcanzar unha cifra que roldaría o millón de doentes.

Queren cobrar dereitos de autor cada vez que soe un móbil

Unha entidade estadounidense alega que as melodías se deben considerar difusión pública de obras protexidas.

Máis da metade dos internautas galegos non sobe contidos á rede

O Consello da Cultura analizou os datos da enquisa anual Navegantes na Rede, que amosa un rotundo dominio da web sobre outros servizos de internet.

A CIG abre a "caixa de resistencia" para compensar os metaleiros en folga

O sindicato nacionalista abonará 10 euros por cada día de paro, 20 no caso dos afiliados con máis dun ano de antigüidade.

Conflito do Metal: un tirapuxa no que está en xogo algo máis que un incremento salarial

Vieiros falou cos responsábeis da CIG, CCOO e UXT, que esta semana racharon a unidade sindical mais que manteñen unha postura común en canto a sinalar aos culpábeis do estancamento deste conflito laboral.

• A CIG abre a "caixa de resistencia" para compensar os metaleiros en folga

A reconversión do sector financeiro "non debe facerse con escandalosas axudas públicas"

A CIG expón o seu rexeitamento ao "decretazo" do goberno español e láiase de que custará unha media de 2.600 euros por cidadán.

Nais e pais artellan unha plataforma a prol da gratuidade dos libros de texto

Arredor de 2.700 persoas asinaron xa en favor da reclamación. Nacida no Barbanza, a mobilización esténdese agora a todo o país.

75 anos de 'camiñantes descoñecidos' en Barallobre

Este sábado o monumento, inaugurado en 1934 e dedicado aos autores galegos, celebrará o seu aniversario co escritor de Gres como protagonista.

Hoxe o Banco de Venezuela-Grupo Santander pasa a mans estatais

Segundo ás cláusulas estabelecidas dentro do contrato de compra-venda do Banco de Venezuela-Grupo Santander, que asinaron o pasado 22 de maio o Goberno venezuelano e o Grupo Santander do Estado español, hoxe sexta feira, 3 de xullo, o Estado venezuelano pagará 630 millóns de dólares, pagamento que concretará o traspaso oficial do Banco a mans do Estado venezuelano.

PP, PSOE e BNG acordan na Fegamp en favor do impulso ao galego nos concellos

A Federación de Municipios e o colectivo Galeguizar Galicia acadan o consenso a prol de iniciativas concretas de normalización lingüística a nivel local.

A matriculación de vehículos poderase facer por internet

O proceso, que precisará dun certificado dixital, durará só 10 minutos, fronte aos dous días ou máis que se precisan actualmente.

O 58% dos escoceses móstrase a favor dun referendo de autodeterminación

O apoio á independencia sería menor e variaría en función da formulación da pregunta.

Vigo acolle unha homenaxe ao independentista Antón Arias Curto

Co gallo do seu 65 aniversario, haberá un acto de recoñecemento no local social Faísca.

Cajamadrid-Caixa Galicia-CAM? O futuro das fusións interrexionais

O PPdeG ve improbábel a necesidade do modelo de fusións que apoia o PP en Madrid. Para o PSdeG a fusión recomendábel en Galiza é entre as propias caixas do país. O BNG advirte da porta aberta ao afastamento dos centros de decisión das entidades.

Investigadores do CSIC reintroducen cabalos mariños criados en catividade

O programa Hippocampus criou en catividade exemplares desta especie e estudará durante un ano os seus hábitos no medio mariño.

A Confederación do Miño-Sil sancionará o Concello de San Cibrao pola vertedura no Barbaña

O presidente da entidade, Fernández Liñares, sinala que a vida do río "quedou completamente destruída".

O Goberno dálles 533 mil euros ás Universidades para que se preparen para Boloña

Son cartos destinados a que as tres institucións académicas do país adapten os seus plans de estudo ao Espazo Europeo de Educación Superior (EEES).

Os internautas anoxados pola venda de The Pirate Bay

Os usuarios acugularon a páxina de queixas, e os fundadores do portal abriron unha aplicación que lles permite ás persoas descontentas borrar a súa conta.

As mobilizacións do Metal trasládanse ás zonas nas que os sindicatos están máis divididos: Pontevedra e Marín

A CIG segue adiante coa folga, a UXT desmárcase, desmobilizando os seus afiliados vía SMS, e CCOO decidirá de mañá, mais non apoiará as manifestacións desta sexta feira.

Galiza dedica só 4 euros por persoa á cooperación internacional

As ONG convidan o presidente galego a coñecer, na súa primeira viaxe a Nicaragua, a realidade do país americano e "incrementar o esforzo solidario de Galiza".