Vieiros

Os expertos reunidos foron especialmente críticos co papel que xogan as deputacións na xestión de recursos neste contexto, e chamaron a repensar as súsa funcións. Asimesmo, gabaron as oportunidades que ofrece a creación de entes supramunicipais, ao xeito das mancomunidades.

Contámoslles tamén da advertencia de Francisco Vázquez, na súa calidade de presidente da Federación Española de Municipios e Provincias, de que grandes cidades españolas están no gume da ruína polas súas deficitarias contas. Afirmou Vázquez que a necesidade de prestar servizos que lle corresponderían ás Administracións autonómicas ou ao Estado está na orixe deste problema.

O alcalde coruñés asegurou que esta situación acontece en varias cidades galegas, malia que non quixo concretar cales, ao tempo que gababa a boa situación das contas do concello que el mesmo goberna.

A advertencia formaba parte da petición na que unha vez máis insiste a FEMP para a reforma do modelo de financiamento municipal. Na opinión de Vázquez, estes cambios serían prioritarios e a súa negociación debería acometerse antes das revisións de Constitución ou estatutos de autonomía.

Máis información no Diario de Titulares.