O "evidente fracaso" das políticas aplicadas polo goberno galego contra o lume nos últimos anos fan necesario "que se detalle polo miúdo en que se gastaron os millóns de euros" que a Xunta di ter empregado no combate dos incendios.
Así o vén de esixir o sindicato CCOO, que critica a inexistencia dunha forma transparente de medir o número e alcance dos incendios, o rexeitamento dende a consellería de Medio Ambiente a un proceso de diálogo e consenso sobre o problema e a falta de medios materiais, técnicos e humanos que leva a un exceso de horas de traballo das brigadas e axentes forestais.
Por outra banda, vense de anunciar para a segunda quincena do mes unha folga que lle afectará aos servizos aéreos anti-incendios.