Edición xeral
Comeza o Foro Social Europeo por unha "xustiza social global"
Un espazo aberto á pluralidade, oposto ás visións totalitarias da economía e do desenvolvemento, a prol do respecto aos dereitos humanos, da práctica dunha democracia verdadeira e participativa... Moitos e ambiciosos propósitos para a reflexión na terceira edición, este ano en Londres, dunha xuntanza xurdida do Fórum Social de Porto Alegre.
"Relacións igualitarias, solidarias e pacíficas entre persoas, etnias, xéneros e pobos, condenando todas as formas de dominación ou de sumisión dun ser humano sobre outro...". A proposta de alternativas para solucionar os problemas de exclusión e desigualdade no contorno dos procesos de globalización económica é obxectivo chave para o debate e o intercambio de experiencias no Fórum Social Europeo que dende este xoves, co acto oficial de apertura, e ata o próximo día 17, ten actividade en Londres.
Tres días para a reflexión compartida entre membros de asociacións e colectivos diversos, chegados de toda Europa. Nesta edición estructurouse o debate en seis eixos: guerra e paz; democracia e dereitos fundamentais; xustiza social e solidariedade: contra a privatización dos dereitos sociais; globalización empresarial e xustiza global; igualdade e diversidade fronte a racismo, discriminación e rexurdir da extrema dereita; e crise medioambiental e sociedade sostíbel.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto