Vieiros

Recordámoslles que ao respecto, o goberno español xa presentara a súa propia demanda fronte á xustiza estadounidense, a través da cal se lle pedía á compañía unha indemnización de mil millóns de dólares.

Ao fío deste proceso, a empresa presentara á súa vez unha contrademanda na que subliñaba a responsabilidade do Estado español no afundimento do petroleiro. Coma lles contamos no seu momento, a xuíza encargada do caso desestimou esta contrademanda, reforzando as posibilidades de que fose adiante a presentada polo goberno español.

A oficina do comisionado para o Prestige, coa súa directora Purificación Moreiras á cabeza, acode á cita co Fidac, onde explicará as actuacións realizadas deica agora polo goberno central, pagamento de indemnizacións incluído. Asimesmo, participará o secretario xeral da consellería de Pesca, para dar conta da actuación do goberno autonómico.