Vieiros

"Hai que rematar coa política do todo vale", pediu o deputado nacionalista Francisco Trigo este martes. Trigo anunciou unha serie de iniciativas parlamentarias do BNG de cara ao control destas "actuacións de nepotismo" e advertiu contra o uso das deputacións "coma unha forma de mercadeo e mecenazgo favoritista". Ao respecto, avisou que se pedirá que Rafael Louzán compareza no Parlamento para explicar o presunto trato de favor a dúas empresas.

"Imos facer que os galegos e os pontevedreses saiban como usa o poder o presidente provincial do PP e tamén da Deputación de Pontevedra, o señor Louzán", afirmou por outra banda Modesto Pose, coordenador dos socialistas pontevedreses. Pose anunciou a reclamación dunha comisión que investigue as adxudicacións vencelladas con Louzán e advertiu que se o PP se opón "pechando a vía política", os socialistas entenderían que "hai algo que agochar e valorariamos a utilización doutras vías". O PSdeG quere extender a investigación ás subcontratas, contratación de persoal e incompatibilidades de altos cargos.