Vieiros

"Eu soamente dixen antonte o mesmo que dixo o home que eu máis repecto no mundo, a súa santidade o Papa, que o matrimonio é cousa entre home e muller e para que as nais poidan ser nais". Fraga apelou ao argumento de autoridade relixiosa para xustificar as súas declaracións sobre a homosexualidade. Na rolda de prensa posterior ao Consello da Xunta, Fraga sinalou que el rexeitou á persecución contra os homosexuais, pero que non considera que a unión entre persoas do mesmo sexo poida equipararse ao matrimonio. Cando foi preguntado en que cre que a condición homosexual é unha anomalía, Fraga limitouse a contestar "é unha anomalía biolóxica".