Edición xeral
PLAN IBARRETXE
Cronoloxía: un debate que impulsará a campaña electoral
Logo de abrir en febreiro o novo período de sesións, a comezos de marzo estaría a data probábel para que o Congreso debata o proxecto de Estatuto aprobado no Parlamento vasco. Abril ou con maior probabilidade o inicio do mes de maio, acollerán a próxima convocatoria de eleccións en Euscadi. O plan de reforma do Estatuto proposto por PNV e EA, a oposición ao plan e as posíbeis alternativas, protagonizarían así a precampaña electoral.
- 12:47 03/01/2005
27 de setembro de 2002
Ibarretxe abre a escena política logo do verán coa proposta no Parlamento vasco dun pacto político que se basee na libre asociación de Euscadi ao Estado. Durante os meses seguintes preséntalle o esquema da proposta aos cidadáns, a colectivos diversos, sindicatos e partidos. Só o PP se opón a reunirse co lehendakari.
Decembro de 2002
O xornal Gara publica un comunicado de ETA no que os terroristas subliñan a súa oposición ao plan por atopárenlle "as mesmas carencias que o anterior Estatuto".
Setembro de 2003
Un ano despois de anunciar o proxecto, Ibarretxe propón abrir a negociación co executivo central e anuncia a intención de convocar un referendo sobre o novo Estatuto para o ano 2005. A votación, segundo a proposta do lehendakari, só se realizaría unha vez que ETA deixase as armas. Pouco despois, o consello de goberno aprobaría o documento completo.
13 de novembro de 2003
Comeza a ofensiva xudicial do entón goberno do PP coa presentación no Constitucional dunha impugnación contra o comezo do trámite da reforma estatutaria. Anteriormente, a deputación de Araba, en poder dos populares, presentara recurso no Tribunal Superior Vasco.
Decembro de 2003
A maioría absoluta do PP aproba en solitario a reforma do Código Penal segundo a cal a convocatoria de referendo que cavila Ibarretxe sería delicto, establecendo pena de ata cinco anos de cárcere para os organizadores. A comezos de mes, EB-IU presentara o primeiro documento alternativo á reforma estatutaria de PNV-EA.
Febreiro do 2004
Batasuna presenta a súa proposta alternativa ao plan Ibarretxe.
Abril do 2004
O Constitucional anuncia que non se admite a trámite a impugnación ao plan realizada polo goberno.
Decembro de 2004
Os socialistas vascos presentan a súa proposta de reforma estatutaria ao tempo que propoñen unha mesa de partidos, a semellanza do modelo catalán, para consensuar a reforma antes de levala a votación ao Parlamento.
Canais:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto