Vieiros

O futuro do arcebispo de Madrid, o chairego Antonio María Rouco Varela, como presidente da Conferencia Episcopal Española, pende de que consiga o apoio dos dous terzos dos votos dos 76 bispos que deciden, entre esta noite e mañá, a nova composición do máximo órgano xerárquico da igrexa romana no estado español. Rouco, de 68 anos, aspira a un terceiro mandado consecutivo, algo que só acadou con anterioridade o cardeal Vicente Enrique y Tarancón, entre 1971 e 1981. A pesar de que nesta caste de eleccións non se presentan candidaturas, Rouco lidera aos bispos de talante conservador e centralista, pero non conta cos apoios nin da maioría dos bispos vascos e cataláns nin dos prelados máis radicalmente conservadores, que quererían un presidente máis combativo contra o actual goberno español.