As maiores reservas mundiais despois de Arabia Saudí, cun potencial de producción diario de 1,5 millóns de barrís de petróleo, foron clave para o ataque estadounidense a Iraq. Dous anos despois, o propio Bush fai brincadeiras sobre as presuntas armas de destrucción masiva do rexime de Sadam Hussein, nunca aparecidas, mentres o número de militares mortos pasa dos 1.500. No segundo plano, os milleiros de civís mortos neste tempo. E no medio da crecente violencia no país, o novo Parlamento tivo esta semana a súa primeira sesión, sen acadar consenso para o reparto de poder e cun incerto futuro marcado polo estreito control de todas as decisións dende a administración USA.