Vieiros

Preto da metade dos galegos sen emprego non ingresan ningunha clase de subsidio, segundo os últimos datos do ministerio de Traballo, con referenza ao mes de marzo. Así, dos máis de 155 mil cidadáns que rexistraban en Galiza no último reconto as oficinas do INEM, apenas 82 milleiros recibían prestación por desemprego, porcentaxe que malia todo se incrementou por riba dun 4% no que vai de ano. Á beira, máis de 4 mil galegos reciben pagamento do subsidio agrario. A nivel estatal, acadouse a cifra máis elevada dos últimos oito anos de perceptores de axudas do paro.