Vieiros

Camiño dos tres anos logo do afundimento do Prestige, as máis de vinte milleiros de páxinas arredor das reviravoltas empresariais vencelladas coas responsabilidades sobre o petroleiro que tinguiu de chapapote as costas galegas agardan nos arquivos do xulgado de Corcubión. Logo de que o xuíz instructor da causa dende o comezo, Javier Collazo, marchase a Lugo cun ascenso, ningún compañeiro da carreira xudicial quixo solicitar a praza vacante na localidade coruñesa. Por outra banda lembrámoslles que nesta altura, agárdase para este mércores que comece o traballo da subcomisión constituída no Congreso para o seguemento das consecuencias do accidente, compromiso do executivo fronte ás demandas do BNG no debate de investidura do presidente do goberno.
Especiais de Vieiros: