ISPO-ECo Consulting acaba de ofrecer unha estimación de escanos a partir do escrutinio real de 140 mesas electorais. Segundo o reconto destas papeletas, a coalición PNV-EA conseguiría entre 29 e 31 escanos, o PSE 18 deputados e PP, entre 13 e 14. O sorprendente é o número de escanos que lograría EHAK: entre 9 e 10, o que superaría en 2 ou 3 os resultados de EH de 2001. Nesta estimación, EB lograría 3 escanos e Aralar tería representación parlamentaria cun deputado.