Edición xeral
O BNG aposta pola creación dunha vicepresidencia de Igualdade
O portavoz nacional do BNG, Anxo Quintana, presentou as liñas mestras sobre as que xirará o programa da formación política para as eleccións autonómicas. Unha das prioridades dos nacionalistas será fomentar a igualdade entre homes e mulleres e, nese sentido, Anxo Quintana avanzou que, se alcanza a presidencia da Xunta, creará unha vicepresidencia de Igualdade.
A vicepresidencia de Igualdade sería un cargo que ocupará unha muller e que ten como misión ser a responsable de coordinar todas as políticas de igualdade e de redistribución de oportunidades entre homes e mulleres, segundo explicou o candidato nacionalista á Xunta. "Non pode ser que Galicia sexa a comunidade do Estado co grao de precariedade laboral feminino máis alto", dixo Quintana.
Apostou, ademais, por un cambio nacionalista na presidencia e lembrou que nestes comicios só hai dúas alternativas, "a dos que reciben ordes de Madrid", en alusión a Fraga e a Touriño, "e a dos que miran por Galicia", en referencia ao BNG. "Votarase en clave galega ou en clave de Madrid", explicou o candidato.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto