Edición xeral
Os traballadores da CRTVG irán á folga para demandar mellores condicións laborais
O comité interempresas da Compañía da RTVG convocou aos traballadores dos medios públicos de comuniciación autonómicos a unha folga que terá lugar en sete días diferentes durante a precampaña, a campaña e o día das eleccións. A folga, aprobada por unanimidade dos representantes da CIG, CC.OO., UXT e USO no comité, é a resposta dos traballadores ante o fracaso das negociacións sobre o convenio colectivo coa dirección da CRTVG.
Os representantes dos traballadores consideran "insuficiente" a oferta da dirección de convocar 77 novas prazas e reclaman 176. Lembraron non só que unha gran parte do persoal da CRTVG está en situación laboral precaria, contratado a través de ETTs ou terceiras empresas, senón que desde o ano 1992 non se convocan oposicións para cubrir os postos de traballo.
O primeiro dos paros convocados será o vindeiro 25 de maio. Entre os días 2 e 3 de xuño está previsto realizar ademais unha folga de 24 horas entre as 10 da noite do día 2 e a mesma hora do día seguinte.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto