Vieiros

A Consellería de Cultura tamén engade no seu comunicado que é "absolutamente falso que o Goberno central teña ampliado o prazo de adxudicación ata o vindeiro 31 de decembro" e que se ben ese é un dos obxectivos da iniciativa lexislativa que agora se tramita en Madrid "aínda lle queda moito camiño por percorrer para a súa entrada definitiva en vigor".

No tocante ao proceso de concurso iniciado hai escasos días, a Xunta puntualiza que o 4 de agosto é unha data coa que vén traballando "de forma transparente e rigorosa desde hai moito tempo" e que a fase de adxudicación é "moi similar" á que se está levando a cabo noutras comunidades españolas.

Ademáis destas aclaracións, o comunicado da Consellería de Cultura ataca duramente ao Colexio Profesional de Xornalistas de Galicia ao que acusa de "recurrir á mentira para xustificar as súas críticas ao actual Goberno de Galicia". Na mesma liña a Xunta tamén "lamenta" que o CPXG só se adique a criticar "sen defender as accións de progreso para esta sociedade e respondendo unicamente a uns descoñecidos intereses políticos que o apoian interesadamente".

A polémica está servida.