"Fíxose unha proposta de paz, de diálogo, de solución, de chegar a acordos e que o pobo vasco decida á fin, e esa proposta faina Batasuna e un dos seus voceiros vén declarar á Audiencia e o goberno do PSOE a través do ministerio fiscal decide que esa persoa debe ir ao cárcere". Eran palabras este mércores de Jone Goizelaia, ex parlamentaria de Batasuna e avogada de Arnaldo Otegi, o líder da formación ilegalizada, logo de coñecer a orde de ingreso en prisión e a imposición dunha fianza de 400 mil euros. Ao tempo, o xulgado dictou orde de busca e captura para Jon Salaberria, tamén ex parlamentario de Batasuna, quen non se presentou a declarar.