Vieiros

Asociacións e organizacións civís que se moven contra a pobreza, o cambio climático, o desarme, a cancelación da débeda aos países en desenvolvemento, o comercio xusto e unha maior protección para refuxiados e emigrantes, entre outras causas, están dende o 1 de xullo en Gleneagles (Escocia) para participar tamén coas súas reivindicacións no cumio que as oito potencias mundias celebran na localidade escocesa os días 6, 7 e 8. Manifestacións, camiñadas ata o hotel no que se reúnen os líderes do G-8, accións de alerta sobre o cambio climático, bloqueos das entradas ao hotel, performances ou a intervención da Rebelde, insurrecta e clandestina armada clown son só algúns dos actos que levarán a cabo en Glenegles ata o remate do encontro.