Vieiros

"Cremos de xustiza non abandonar a estes funcionarios que serviron fielmente a vostede Presidente e ao Goberno Galego nestes 15 anos e que, esperamos, volvan servir a un Goberno Galego Popular o antes posíbel". Así remata a exposición de motivos dun proxecto de decreto que circula estes días polas dependencias da Xunta titulado "Asignación de posto de traballo aos funcionarios cesados en postos de alto cargo ou libre designación". Os autores do escrito, que foi remitido ao Consello Consultivo de Galiza, solicitan que aos funcionarios nesta situación se lles garanta a adscrición a un posto non inferior an dous niveis ao do seu grao persoal até que non obteña outra praza por libre designación ou concurso. Os sindicatos advertiron que emprenderán accións xudiciais se o goberno en funcións blinda os altos cargos ou os postos de libre designación.