Vieiros

O voceiro adxunto do PP, Xosé Manuel Barreiro, expresou o seu desexo de que o parlamento "dea resposta" aos problemas dos cidadáns na nova lexislatura, a pesar de que as formacións políticas partan de "posicións seguramente non coincidentes en gran parte das ocasións". Despois de felicitar á nova presidenta da Cámara, Barreiro recoñeceu que o parlamento debe ser "un auténtico foro de debate" para "dar resposta aos problemas que ten a cidadanía galega" Neste sentido, asegurou que o PP "traballará nesa dirección desde unha oposición responsábel". Barreiro insistiu en que o PP aplicará o "criterio de responsabilidade", pero dixo que descoñecía cal ía ser o comportamento dos outros grupos, "a xulgar de cal foi o de hoxe", en referncia á negativa de PSdeG e BNG a gardar un minuto de silencio polas vítimas do incendio de Guadalaxara.