Vieiros

Explicou a continuación que o autogoberno é necesario para Galiza "non só porque a súa historia e a súa identidade lle dan dereito a iso", senón tamén porque o autogoberno "fainos mellores e máis fortes e porque a autonomía política foi unha poderosa palanca de progreso, e ten que seguir séndoo no futuro". "Quero unha Galiza que se desenvolva a partir das súas propias capacidades, que son moitas e cada vez máis, que non sinta que depende da axuda doutros", subliñou.

En terceiro lugar destacou a necesidade de traballar a prol dunha "sociedade integrada e cohesionada" e explicou que iso está vencellado coa "capacidade para estar unidos, para desenvolver obxectivos e proxectos comúns e evitar divisións e enfrontamentos innecesarios". Prometeu que o novo goberno traballará por un país "que se basee nos dereitos e non nas axudas e os favores. Un país no que ninguén se sinta inxustamente discriminado ou desigualmente tratado".