Vieiros

"Esbardallan as lavercas/no vértice lizgairo dos teus días/de volta nas catacumbas/nos intersticios/da furibundia". Velaquí un exemplo de poema inspirado polo azar froito da peneira matemática dun revoltallo de versos de poetas galegos. Trátase da última contribución para o lecer internáutico de Aduaneiros sem Fronteiras. Se queren poden xogar a adiviñar os autores dos que están sacados os preto de douscentos versos que se combinan en varios trillóns de poemas posíbeis. Outra proposta lúdica dos Aduaneiros: "Cópia os poemas, imprime-os, e quando tiveres un mínimo de 500 versos podes apresentar-te ao Prémio Esquío".