Vieiros

Un presunto líder talibán, identificado coma o mulá Dadulá, comunicou este martes en informacións ás que a axencia Reuters lle atribúe credibilidade, que o helicóptero que se esnafrou en Afganistán foi derrubado por un grupo talibán. Lembrámoslles que o pasado mes de xuño, dezaseis soldados estadounidenses morrían nun suceso similar, logo da caída dun helicóptero que se probou foi derrubado por forzas talibáns. Ao tempo, contámoslles que o xornal La Voz de Galicia cita este mércores fontes da familia dos falecidos que asegurarían que o piloto do segundo aparato lles informou que o helicóptero onde ían os falecidos "recibiu fogo desde terra, foron atacados". O ministerio de Defensa e a OTAN manteñen o accidente coma explicación oficial.