Vieiros

O PP non participará na futura comisión parlamentaria que afrontará a reforma do Estatuto se se crean conceptos como "rexión" e se eliminan as deputacións provinciais. Na súa primeira intervención parlamentaria como voceiro da oposición, Manuel Fraga Iribarne ameazou con retirar a súa formación do debate estatuario de poñerse en cuestión a actual organización territorial, porque "é inconstitucional utilizar o termo rexión dentro dunha comunidade autónoma". O expresidente da Xunta sinalou que algúns "poden ter a tentación de crear o concepto de nación galega", pero "os galegos non queren isto porque son tan galegos como españois".