Edición xeral
Merkel non gaña, Schröder tampouco
A conservadora CDU-CSU da oriental Angela Merkel gañou as eleccións lexislativas alemás en porcentaxe e en escanos pero non acadou resultados que lle permitan gobernar con maioría. Con datos aínda non definitivos, obtivo un 35,2%, tres puntos menos ca en 2002, mentres que os socialdemócratas do chanceler Schröder quedarían no 34%, perdendo catro puntos. Por deputados, probabelmente 225 a 222.
Por detrás confígurase un panorama tamén moi igualado: os liberais soben case tres puntos, superando o 10% (61) e os Verdes ficarían no seu 8% (51), descendo inaprezabelmente. O Partido da Esquerda sobrepasaríaos (8,5% e 54 escanos) e entra no reparto xeral de escanos ao que optan logo de cruzar o limiar do 5%. Co partido da Esquerda, que xongue os socialdemócratas desencantados de Lafontaine e os poscomunistas de Gysi, ninguén quere pactar as reformas económicas.
Así pois, ábrense tres posibilidades principais de coalición: CDU-liberais-verdes, SPD-liberais-verdes, ou mesmo un gran pacto entre socialdemócratas e conservadores, se ben Schröder xa se pronunciou contra esta solución.
• Panorama xeral: Alemaña escolle o furado do cinto.
• Web das eleccións e resultados de 2002 en escanos e en porcentaxe.
• Xornais: Die Zeit, Frankfurter Allgemeine
• Centros galegos en Alemaña. Uns 90.000 galegos e galegas viven e votan aló.
• Os partidos: CDU/CSU (conservadores), SPD (socialdemócratas), Verdes, FDP (Liberais), e Partido da Esquerda.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto