Vieiros

Á "república independente" da Coruña nos remite a nova bitácora A Pescadería, onde se fai retranqueira referencia ao acto de colocación da bandeira española deste mércores na cidade. "Coa participación das Milicias Urbanas, pasado e presente, honra e testemuña. Viva La Coruña!!". "Xa vos irei dando máis pistas de todo o que queredes saber sexades curuñeses ou non", coméntanos en primeira persoa un anómimo cibernauta que nos lembra ao desaparecido sir Francis DiNiro.

Desde o Si home si, póñense en conexión directa as "enormes demostracións de amor á indisoluble unidade da nación española en Madrid e na Coruña", vencellando coa entroidada coruñesa os actos da capital estatal onde "xente influída sen dúbida polo pensamento Losantos-Ibarra e enardecida pola presencia da cabra da Lexión, abrasaron a pitos e abucheos a Zapatero".

En trincheiras diferentes andan os responsábeis de Como ser de dereitas e non morrer no intento", bitácora co sub-lema "sae xa do armario, e di que eres de dereitas", onde se fai encendido eloxio do alcalde Francisco Vázquez, "o seu pecado? Sentirse español e amar a nosa Constitución".

Galego de Seu recolle instantánea de don Paco asinando bandeirola de peto e en Vida de Toxo critícase a "descarga policial en PacoLand". Outras webs: Volvoreta quéixase da "intransixencia e meteduras de pata" do "señor Paco Vázquez".