Vieiros

"Apoiarase de xeito activo e sen reservas". Así o prometeu a pasada semana Elena Veiguela, directora xeral de Promoción Industrial e Sociedade da Información, a respecto da vella arela do dominio de internet para Galiza. Logo que o éxito da consecución en Cataluña do .cat amosase a inexistencia de obstáculos para esa reivindicación, o paso seguinte é o artellamento dunha plataforma social que impulse esta petición fronte á ICANN. Por certo, lembrámoslles que os lectores de Vieiros xa amosaron as súas preferencias sobre o sufixo internáutico posíbel.