Vieiros

Para rematar con ese problema, de agora en diante o Plan Labora poderá aplicarse en exclusiva no sector privado, deixando fora á administración, que xa posúe os seus propios procesos de oposición para a cobertura de postos de traballo. Ricardo Varela, conselleiro de Traballo, explicou durante a presentación dos orzamentos do seu departamento para o ano próximo que durante o goberno do PPdeG "máis do 90% dos contratos do Plan Labora producíanse na administración pública". Na opinión de Varela, se o goberno galego consegue agora que as empresas usen da posibilidade do Laboral para a contratació de mozos, haberá máis posibilidades de fomento de contratabilidade estábel.

"Consideramos que si se pode axudar á contratación nas empresas, pero se iso vai unido á estabilidade desas contratacións", apuntou tamén Ricardo Varela. O conselleiro explicou que a súa intención nas próximas conversas con sindicatos e patróns é a de propoñerlles coma vía para a reducción da elevada taxa de temporalidade que as axudas da administración privilexien ás empresas que fomentan o emprego indefinido. A consellaría podería establecer mesmo un máximo de contratos temporais segundo o sector empresarial, que unha vez superados pola empresa lle quitarían o dereito a seguir percibindo axudas.