Vieiros

A delegación do Parlamento catalán defendeu no Congreso dos Deputados a vía do pacto e do diálogo para afrontar o debate sobre o proxecto do novo Estatuto para Cataluña, aprobado por todos os deputados cataláns, agás os do PP. Artur Mas (CiU), Manuela de Madre (PSC) e Josep Lluís Carod-Rovira (ERC) pediron o apoio do Congreso ao novo Estatuto e lembraron que non buscan "a confrontación, senón o diálogo" e solicitaron aos deputados que debatan "sen prexuízos" sobre o "novo modelo de convivencia" que se presenta. O pleno reanúdase ás 4 da tarde coa intervención do presidente do goberno español, José Luís Rodríguez Zapatero.