Vieiros

"En xuntanzas con empresarios, emprendedores e outros sectores sociais demandáronnos máis dunha vez este paso", relatoulle á Radio Galega o alcalde de Narón, Xoán Gato, en referencia ao novo proxecto político no que a súa formación, Unidade por Narón, se integrará. Na súa opinión Terra Galega cubrirá "un espazo libre" no escenario político galego e pretende construír a formación "non desde arriba, senón formando a alternativa desde os concellos, creando unha base municipal ampla". A "cuarta vía" que segundo Gato "demanda a sociedade galega" para "normalizar o país politicamente" sumará "experiencia municipal e autonómica". En dous meses agardan celebrar un congreso.