Vieiros

O anuncio dunha redución de até 20 meses nos prazos de execución da autovía do Salnés que realizara o anterior conselleiro de Política Territorial, Alberto Núñez Feijoo, é exemplo segundo o novo executivo dun "afan propagandístico" en plena carreira electoral que se manifestou na promesa de "datas imposíbeis de cumprir". A actual conselleira, María Xosé Caride, lembrou este martes que asinou contrato cos adxudicatarios desa obra o pasado mes de setembro, apenas mes e medio despois de tomar posesión do cargo, e subliñou que os tempos reais para o proxecto son os agora anunciados, dous anos máis que as "datas inacadábeis" prometidas polo goberno anterior.