Vieiros

O primeiro ministro iraquí anunciou que os detidos foron trasladados a outra prisión e avanzou que en dúas semanas a comisión creada para investigar o caso, co viceprimeiro ministro á fronte, o curdo Roz Nouri Shaui, presentará un informe con detalle do acontecido.

Lembrámoslles que a denuncia da existencia de torturas fora realizada en repetidas ocasións por membros da comunidade suní. Xa que logo, os focos apuntan agora cara grupos coma as brigadas Badr, vencelladas ao principal partido político xií, a quen se lles ten acusado de facilitar os abusos sobre os sunís. As primeiras informacións confirmarían que esta prisión estaba nun edificio pertencente ao ministerio do Interior.