Vieiros

"Imaxina que os seguintes paises foran presentar candidatura para unirse á Unión Europea e que cumpren coas condicións de acceso. Estarías a prol ou en contra da súa incorporación?". Esta pregunta lle fixeron a cidadáns de Alemaña, Francia, Italia, Polonia, España e o Reino Unido, na macrosondaxe de TNS Sofres, encargada por un lobby ucraíno, ao respecto da posíbel entrada na UE de Ucraína, Rusia, Turquía e Marrocos. As porcentaxes do "si" para cada un dos países foron respectivamente do 51, 45, 40 e 31%. Malia iso, na propia Ucraína máis da metade dos cidadáns opóñense a formar parte da UE. Por outro lado, a sondaxe apunta que o rexeitamento a novas ampliacións vén aumentando entre os eurocidadáns nos últimos meses. Anteriores: