Edición xeral
Os EEUU suman un milleiro de persoas executadas en 30 anos
Apenas un día despois de que a Coalición Mundial Contra a Pena de Morte organizase a convocatoria bautizada "Cidades pola Vida", que contou coa participación de ducias de administracións locais e premios Nobel da Paz en todo o mundo, chéganos noticia desde os EEUU da execución de Kenneth Lee Boyd. Este excombatente da guerra de Vietnam fora condenado á pena máxima logo de ser declarado culpábel do asasinato de súa muller e sogro hai xa dezasete anos, e que se convirte no executado número mil nos EEUU desde 1976.
A loita contra a pena de morte está de actualidade ademais pola execución de Stanley Tookie Williams, fixada para o próximo 13 decembro. Alén das irregularidades no proceso que o condenou, Tookie é defendido por colectivos de todo o mundo por ser exemplo de rexeneración, pasando do liderado dunha violenta banda e o asasinato de catro persoas á militancia no pacificismo e a escrita de libro para cativos.
Diversas asociacións teñen promovido de xeito simbólico a súa candidatura para o Nobel da Paz e a súa vida está agora mesmo nas mans do que decida o Supremo ou, en último caso, o gobernador de California, Arnold Schwarzenegger.
Anteriores:
- África é obxectivo da campaña 2005 da Coalición Mundial contra a Pena de Morte
- O mundo da pena de morte, artigo de Vítor E. Rodríguez Barca
- Un total de 3.797 persoas executadas en 2004
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto